RAUG OTKON KRISTUS TICEIGAJIM
From Prayers
Raug otkon Kristus ticeigajim
jau Adventa laiks atnocis:
tys myusu sirdīs, myusu dzeivē
ir jaunu ritmu īnesis.
Pi oltorim dzīd Roratmises
un reita krāslā sveces mirdz:
te lelī, mozī Dīva Moti
nok sveicynot nu bārna sirds.
Nu sovom myužeigajom mojom
īt Pesteitojs pi cylvākim.
Jis atpesteit gryb myus nu grāka
un ceļt par debess mantnīkim.
Kungs, myusu Radeitojs un Globējs,
mes lyudzam Tevi, noci pi mums,
dūd vysim sovu žēlesteibu,
kam vīn pēc Tevis sirdis skumst.
Kungs, pījem tū, kū Tovam gūdam
nas sovos sirdīs ticeigī:
tei mīlas pylna pateiceiba
nu myusu dzeives laiceigos.
