PUSNAKTS TYMSA GAISMA AUSA

Pusnakts tymsa gaisma ausa,
noce Dīva vēstnesis.
Gonus laipni uzrunoja
spūži myrdzūšs eņgelis:
«Nasabeistit, meilī goni,
sludynoju prīcas vēsti:
Šudiņ dzimis Pesteitojs!»

Pravīši kū sludynoja,
ticeigī kū gaideja,
Debesstāvs tū atsyuteja
šamā dzeives īlejā:
«Eite, sveicynojit viņu,
pīdzymušū Dīva Bārnu
Jūdu mīstā - Betlemē!»

Atroda jī Dīva Bārnu,
eņgeļs kai jim vēsteja.
Svāto Mote maigom rūkom
mozū Bārnu auklēja.
Ceļūs kreitūt gūdbejeigi,
goni sveice pazemeigi
Pesteitoju gaideitū.

Debespulku slavas dzīsmes
skanēja nu augstumim:
«Dīvam gūds un mīrs vērs zemes
loba prota cylvākim!»
Vysi lyugsim Pesteitoju,
Dīva dūtū Vydutoju:
«Sovu mīru dovoj mums!»