POR BETLEMI, KUR JEZUS DUS

Por Betlemi, kur Jezus dus,
un apkort Dīva mīrs ir kluss,
speid spūži zvaigzne breineiga -
par Pesteitoju vēstejūt.
Lai gūds un slava myužeiga
Tev, myusu Dīvs vysvarenais!
Lai gūds un slava...

Šei spūžo zvaigzne voda myus.
Por Betlemi jos gaisma plyust.
Mes ejam Jezu gūdynot,
ar sovom dzīsmem sveicynot.
Lai gūds un slava...

Tu myusu dēļ še atnoci,
kai bērneņš dzeivi īsoci;
pi sevis vysus aicynoj
un žēlesteibu dovynoj.
Lai gūds un slava...

Jem sovā patvārumā myus,
pi Tevis mīrs un laime byus!
Kas Tovu grybu izpiļdeis,
tys svātlaimi sev īmontos.
Lai gūds un slava...