HIMNA JEZUS SIRDS GUDAM
From Prayers
Pretim Vysuaugstokam
Paceļ rūku zvārastam!
Latv'u tauta, svāts lai mums
Palīk senču montojums!
Jezus Sirds, Tev zvēram tū:
Uzticeibu myužeigū!
Sovas tautas Aizstovis -
Dīvs vysaugstais debesīs:
Myusus leidz pat laikim šim
Vodi cauri nagaisim.
Jezus Sirds, Tev zvēram tū:
Uzticeibu myužeigū!
Dīvs, pi Tevis mes patīš'
Gribim stypri turētīs.
Ticeiba, kas dūta mums,
Skaistokais ir greznojums.
Jezus Sirds, Tev zvēram tū:
Uzticeibu myužeigū!
Saites, kuras vīnoj myus,
Saraut nivīns napagyus.
Svāts ir vords, kas Dīvam dūts,
Uzticeiba - myusu gūds.
Jezus Sirds, Tev zvēram tū:
Uzticeibu myužeigū!
