EŅGEĻS GAIŠS PI GONIM GOJA

Enģeļs gaišs pi gonim goja
prīcas vēsti sludynoja:
«Pi jums Dīva Dāls ir nocis,
Pesteitoja gaitas socis - jūdu Betlemē!»

«Goni, jyus kai pyrmī steidzit,
Dīva Bārnu mīli sveicit,»
tai jim eņgeļs pasaceja
nu jūs tyuleņ aizsyuteja - pīlyugt Bērneņu.

Betlēmē, kur Jezus dzyma,
staleits debess gaismā gryma...
Vysod atmirdz mums šei gaisma,
Dīva žēlesteibu līsme - Krystus Bazneicā.

Dīvnomā un vysos mojos
Kungam gūdu atdūt klojas.
Svātku dzīsmēs gavilēsim,
Dīvu pīlyugt aicynosim - vysus ticeigūs.

Gūds un slava Dīvam Tāvam,
dzymušajam Dīva Dālam,
taipat Dīva Goram svātam
slava vysūs myužu myužūs - Dīvam vīneigam.