Privāto sevis veļtēšona Vysusv. Jezus sirdei

(Sv. Marg. Alakok)
Es veļteju un atdūdu myusu Kunga Jezus Kristus Vysusvātokajai Sirdei sovu personu, sovu dzeiveibu, sovus dorbus, sovas gryuteibas un cīsšonas, lai nokūtnē es piļneigi atsadūtu dīvišķos Sirds mīlesteibai un jos gūdynošonai. Muna nūpītno un naatsaucamo apsajimšona ir pīdareit Jai pavysam, dareit vysu aiz mīlesteibas pret Jū un nu vysas sirds atsateikt nu vysa, kas napatyktu dīviškajai Sirdei. - Todēļ es izavēleju Tevi, Vyssvātoko Sirds, par sovas mīlesteibas vīneigū prīkšmatu, par sovas dzeiveibas aiz-sorgotoju, par sovas pesteišonas drūšeibu, par

atspaidu sovā vojumā un par vysas sovas dzeives gondareišonas upuri. Tu, maiguma un žēlesteibas pylno Sirds, esi man drūšs patvārums ari munā noves stundē, esi muna attaisnotoja Dīva prīškā un nūvērs nu manis jo taisneigū dusmu stropi. Tu mīlesteibas pylno Sirds, uz Tevi es līku vysu sovu cereibu. Sova ļaunuma dēļ es beistūs vysa, bet ar Tovu žēlesteibu es ceru uz vysu. Iznycynoj manī vysu, kas Tev napatyktu, voi Tev pretotūs. Lai Tova svāto mīlesteiba tik dziļi īsaspīž munā sirdī, ka es nikod Tevis naaizmērstu un nikod natyktu nu Tevis atškērts. Dīviško Sirds, Tovas bezgaleigos žāļsirdeibas dēļ, es Tevi lyudzu, dori, lai muns vords tyktu īraksteits Tevī, jo Tovā kolpošonā es grybu dzeivot un mērt. Amen.