Gondareišonas Lyugšona Vysusvātajai Jezus sirdei
Vysužāļsirdeigais Jezu, kura bezgaleigo mīlesteiba uz mums, cylvākim, teik atmoksota ar taidu lelu vīnaldzeibu, nūlaideibu, nycynošonu un napateiceibu, mes kreitam ceļūs šeit Tova oltora prīškā, lai ar sevišku dīvbejeibu gondareitu par cylvāku vīnaldzeibu un tū nagū-du, kū jī nūdora Tovai mīlesteibas pylnajai Sirdei. - Tūmār zynūt, ka ari mes poši reiz pīdarējom pi nacīneigūs skaita, korstas nūžālas sopu porjimti, mes lyudzam vyspyrms Tovu žāļsirdeibu mums pošim. Mes asam gotovi labprot gondareit na tikai par sovim grākim, bet ari par tūs grākim, kas ir toli nūsamaļdejuši nu pesteišonas ceļa, kas, naticeibā nūsacītynojuši, nagryb sekot Tev kai sovam Gonam un Vodūņam, voi ari kas ir lauzuši sovas kristeibas sūlejumus un atsasoka nest Tovu bausleibu vīglū
jyugu. - Mes stingri apsajemam gondareit par vysim šim nūžālojamim porkopumim, bet seviš-ki mes gribim lobot vysu nagūdeigū un natykumeigū dzeives veidā un apgērbā, ar kū teik īvylkts samaitošonā tik daudz navaineigu dvēseļu; mes gribim gondareit par svātdīnu un svātku dīnu nasvēteišonu, par rībeigim lostim pret Tevi un Tovim svātajim, par Tova Vītnīka un prīsteru kortas zaimošonu, par Tovas dīviškos Mīlesteibas Sakramenta apgoneišonu ar nūlaideibu voi apkaunojūšom svātzadzeibom, beidzūt par tautu atklotim porkopumim, kas pretojās Tovas Bazneicas lykumim un moceibai. Lai kaut cik vārstu par lobu Tova dīviško gūda aizskoršonu, mes kūpā ar Tovu Jaunaveigū Moti, ar vysim svātajim un ar vysim dīvbejeigim ticeigim upurejam Tev tū gandarejumu, kuru Tu pats pi krysta snēdzi sovam Tāvam un kuru Tu ik dīnas atjaunoj uz oltorim. Tovas žēlesteibas styprynoti mes Tev nūpītni apsūlom ar dziļu ticeibu, ar dzeives škeisteibu un ar evaņgelija bausleibu, it seviški ar mīlesteibas lykuma izpiļdeišonu, cik tys nu mums atkareigs, nūvērst tū ļaunumu, kuru mes voi cyti asam izdarējuši, atstodami nūvortā Tovu lelū mīlesteibu. Vysim spākim mes gribim turpmok nūvērst nu Tevis vysus apvainojumus un pamu¬
dynot pēc īspējas vairok cylvāku, kas Tev seko¬tu. - Mes Tevi lyudzam, Vysulobais Jezu, aizbyldūt par mums Vysusvātokajai Jaunovai Marijai, pījem žēleigi šū myusu labproteigū gondarejuma pīdovojumu un ar sovu žēlesteibu padori myusus leidz novei uzticeigus dīvbejeigā Tev kolpošonā, lai mes beidzūt vysi sasnāgtu eistū Tēviju, kur Tu ar Tāvu un Svātū Goru dzeivoj un voldi nu myužeibas myužeibā. Amen.
