Lyugšonas par mierstūšim

Par mērstūšim var laseit na tikai šeit īvītotos lyugšonas,
bet ari cytas, kuros ir izteikta grāku nūžāla, ticeiba, ilgas
pēc Dīva, atsadūšona Dīva Motes patvārumā utt. Lyugšonas ir
joizavēlej, pīsamārojūt mirēja goreigajam un fiziskajam
stovūkļam un jamūt vārā ari orejūs apstokļus, kai, pīm.,
konkretū atsarasšonas vītu, klotasūšos personas u. c.
Lyugšonas mirēja klotbvutnē jolosa lāni, dreižok klusynotā,
nakai skaļā bolsā, pa storpom īvārojūt ari klusuma breižus.
Atseviškas eisas lyugšonu formulas voi invokacijas, losūt
kūpā ar mērstūšū, var ari atkortot, lānom izrunojūt vor-dus,
lai vīgļok tūs varātu uztvert.

EISI IZTEICĪNI NU SV. ROKSTIM

-Muna dvēsele slopst pēc Dīva, pēc dzeivo Dīva. (Ps 42, 3)
-Es tycu, ka varēšu redzēt Kunga lobumu dzeivūs zemē. (Ps 27, 13)
-Kungs ir muna gaisma un muns globējs. (Ps 27, 1)
-Uz Tevi, Kungs, es paceļu sovu dvēseli. (Ps 25, 1)
-Pat jo es staigošu tymsā noves īlejā, es nasabeišu ļaunuma,
jo Tu esi pi manis. (Ps 23, 4)
-Ikvīns, kas tic (Dīva) Dālam, īmontoj myužeigū dzeivi. (Jņ 6, 40)
-Es grybu, lai jī byutu kūpā ar mani tur, kur asu es -
soka Kungs. (Jņ 17, 24)
-Eite, muna Tāva svēteitī, un īmontojit vaļsteibu, kas jums
sagatavota. (Mt 25, 34)
-Muna Tāva mojos mojūkļu ir daudz. (J 14, 2)
-Patīši es tev soku: šudin tu byusi ar mani paradīzē,
tai ir sacejis Kungs Jezus. (Lk. 23, 43)
-Voi mes dzeivojam, voi mērstam, mes pīdarim Kungam. (Rom. 14, 8)
-Mums debesīs ir myužeigas mojas. (2, Kor. 5,1)
-Mes vysod byusim pi Kunga. (1 Tes 4, 17)
-Mes redzēsim Dīvu taidu, kaids Jys ir. (1 Jņ 3,2)
-Mes asam nu noves īvasti dzeivē, jo mīļojam broļus. (1 J 3, 14)
-Tovos rūkos, Kungs, es atdūdu sovu goru. (Ps 31, 6)
-Kungs Jezu, pījem munu goru. (Apd. 7, 59)

Svāto Marija, lyudzīs par mani.

Svātais Jezup, lyudzīs par mani.

Jezus, Marija, Jezup, stovit man klot pādejā ceinā.