Lyugšona par loba dzeives drauga izvēli

Kungs Dīvs, vīneigi Tu zini kaids dzeives ceļš man joīt, lai es
drūšok sasnāgtu dvēseles pesteišonu. Jo tys ir laulotū ceļš, tad
kaut kur dzeivoj ari tys cylvāks, kuru Tu sovā Apredzeibā esi man
nūlēmis par dzeives draugu, un kuram oltora prīškā es sūleišu
uzticeibu kai laimē, tai nalaimē, lai vīns ūtru mīļotu un cīnētu
vysos sova myuža dīnos. Kungs Dīvs, jem sovā godeibā mani un šū
cylvāku, lai, Tovā žēlesteibā dzeivojūt, mes sevi saglobotu vīns
ūtram škeistus mīsā un dvēselē. Vodi, Kungs, myusu dzeivi tai, lai
mes vīns ūtru atrostu - Tovam gūdam un myusu laimei, laiceigai un
myužeigai.