Lyugšona SV. Jezupam

Pi Tevis, svātais Jezup, mes steidzamēs sovos bādos,
un Tovas Vysusvātokos Leigovas palei-dzeibu pīsaukuši,
ari Tovas aizbiļdeibas mes lyudzam. Tos mīlesteibas dēļ,
kas Tevi vīnoja ar bezvaineigū Jaunovu, Dīva Dzemdeitoju,
un tos tēviškos godeibas dēļ, ar kaidu Tu ryupējīs par
Bērneņu Jezu, mes Tevi pazemeigi lyudzam, pasaver žēleigi
uz montojumu, kas atpērkts ar Kristus Kunga Asni, un myusu
vajadzeibos paleidzi mums ar sovu spēceigū porstovnīceibu.
Sorgoj, ryupeigais Svātos Gimines sorgs, izradzātūs
Jezus Kristus bārnus, izglob myusus, vysudorgokais Tāvs,
nu ikvīnas sasamaitošonas un moldim, styprynoj myusus,
vysuceņteigokais Aizbiļdni, ar debeseigu spāku šymā karā
pret tymseibas goru. Un kai cytkort Tu izglobi Bērneņu
Jezu nu draudūšom Jam brīsmem, tai ari tagad sorgoj svātū
Dīva Bazneicu nu īnaid-nīku uzbrukumim un ikvīnas nalaimes!
Uzjem myus vysus sovā pastoveigā patvārumā, lai mes pēc Tova
parauga dzeivodami un Tovas palei-dzeibas styprynoti,
varātu dīvbejeigi dzeivot, svēteigi nūmērt un īmontot
myužeigū līksmeibu debesīs.
Amen.