DZIĻA PUSNAKTS
From Prayers
Revision as of 10:59, 24 August 2017 by Maribet (talk | contribs) (Created page with "Content Category:Latgaliešu Category:Kristiešu Category:Katoļu Category:Dzīsmes Category:Dzīsmes Latgaliski Category: ZĪM...")
DZIĻA PUSNAKTS tymsā gaisma mirdzēja,
debessgoru dzīsmes līksmi skanēja:
«Gūds un slava Kungam Dīvam,
mīrs ir lobas grybas ļaudim vysā pasaulē!»
Radzūt spūžu gaismu, goni breinojos,
debessgoru dzīsmes dzēržūt, prīcojos.
Lyugšonā jī ceļūs kryta,
breinums porok lels jim škita -Dīvu pīsauce.
Kunga eņgeļs noce, gaiši myrdzādams,
gonus uzrunoja, līksmi saceidams:
«Prīcas vēsti seņgaideitu,
vysim ļaudim apsūleitu, es jums saceišu.
Šudiņ Kristus dzimis jūdu Betlemē,
ļaužu Globējs nocis šamā pasaulē.»
Gonus eņgeļs aicynoja
steigtīs dreiž pi Pesteitoja, gūdu atdūt Jam.
Debessgori, līksmi Dīvu slavejūt,
nūzuda nu skota, dzīsmi dzīdojūt:
«Gūds un slava Kungam Dīvam,
mīrs ir lobas grybas ļaudim vysā pasaulē!»
