Litanija Vysusv. Jaunovai Marijai

Kyrie, eleison!
Criste, eleison!
Kyrie, eleison!
Kristu, klausi myus!
Kristu, uzklausi myus!
Dīvs Tāvs nu dabasim, apsažāloj par mums!
Dīvs Dāls pasauļa Pesteitojs, apsažāloj par mums!
Dīvs Svātais Gors, apsažāloj par mums!
Svāto Trejadeiba, vīns Dīvs, apsažāloj par mums!
Svāto Marija,
Svāto Dīva Dzemdeitoja,
Svāto jaunovu Jaunova,
Jezus Kristus Mote,
Bazneicas Mote,
Dīva žēlesteibas Mote,
Vysuteiroko Mote,
Vysuškeistoko Mote,
Nanūzīdzeigo Mote,
Vysod jaunaveigo Mote,
Mīleigo Mote,
Breineigo Mote,
Loba padūma Mote,
Radeitoja Mote,
Pesteitoja Mote,
Vysugudroko Jaunova,
Gūda cīneigo Jaunova,
Slavejamo Jaunova,
Vareno Jaunova,
Žēleigo Jaunova,
Uzticeigo Jaunova,
Taisneibas spūguļs,
Gudreibas krāslys,
Myusu prīcas īmeslis,
Goreigais trauks,
Cīnejamais trauks,
Sevišks dīvakolpošonas trauks,
Goreigo rūze,
Davida tūrnis,
Zylūnkaula tūrnis,
Zalta noms,
Dereibas skreine,
Dabasu durovas,
Reita zvaigzne,
Sliminīku veseleiba,
Grēcinīku globēja,
Bēdeigū īprīcynotoja,
Kristticeigūs paleigs,
Engeļu Kēnenīne,
Patriarhu Kēnenīne,
Pravīšu Kēnenīne,
Apostolu Kēnenīne,
Mūcekļu Kēnenīne,
Izzinēju Kēnenīne,
Jaunovu Kēnenīne,
Vysu svātūs Kēnenīne,
Bez īdzymto grāka ījimto Kēnenīne,
Dabasūs uzjimto Kēnenīne,
Svāto Rūžukrūna Kēnenīne,
Giminu Kēnenīne,
Mīra Kēnenīne,
Moras zemes Kēnenīne, lyudz Dīvu par mums!

Dīva Jārs, kas nūceļ pasauļa grākus,
atlaid mums, Kungs un Dīvs!

Dīva Jārs, kas nūceļ pasauļa grākus,
uzklausi myus, Kungs un Dīvs!

Dīva Jārs, kas nūceļ pasauļa grākus,
apsažāloj par mums!

ZAM TOVA PATVĀRUMA steidzamēs,
svāto Dīva Dzemdeitoja!
Myusu lyugšonas lyudzam nasmodej myusu vajadzeibos!
Bet nu ikvīnas nalaimes vysod myus izglob slaveigo un
svēteigo Jaunova!
Myusu Vaļdneica, myusu Vydutoja, myusu Aizbyldātoja!
Samīrynoj myus ar sovu Dālu! Iteic myus sovam Dālam!
Stodi myus sovam Dālam prīškā!

V. Lyudzīs par mums, svāto Dīva Dzemdeitoja!
R. Lai mes Kristus apsūlejumu toptu cīneigi!

Lyugsimēs:
Kungs Dīvs, mes Tevi lyudzam, dori, lai myusu,
Tovu kolpu, dvēsele un mīsa vysod
byutu vasala un ar slavejamos Vysusvātokos Jaunovas
Marijas aizbiļdeibu mes tyktu atbreivoti nu laiceigo
ļaunuma un prīcotūs myužeigā dzeivē. Caur Jezu Kristu,
myusu Kungu. Amen.

(Privāti skaitāt Rūžukrūni, kotra nūslāpuma beigos
pēc invokacijas «Marija, bez īdzvmto grāka ījimta,...»
var pīvīnot: «Mums Jezu, atlaid mums myusu vaines,
pasorgoj myusus nu eļnes guns un aizved vysas dvēseles
uz debesim, it seviški tos, kurom vysvairok ir vajadzeiga
Tova žāļsirdei-ba».)