Difference between revisions of "RUŽUKRUŅS"

Latest revision as of 14:06, 22 August 2017

RUŽUKRUŅS Vysusv. Jaunovas Marijas gūdam

+ Dīva Tāva un Dāla, un Svāto Gora vordā. Amen.
Tāvs myusu...,
3 Esi sveicynota, Marija...,
Gūds lai ir Tāvam...

PYRMO DAĻA - PRĪCEIGO PYRMAIS NUSLĀPUMS Eņgeļa sludynojums (Lk 1) Eņgeļs pasludynoj Jaunovai Marijai, ka Dīvs jū ir izredzējis pasauļa Pesteitojam par Moti. Vysusvātoko Jaunova pazemeibā atbiļd: «Lai man nūteik pēc Tova vorda». Tāvs myusu..., 10 Esi sveicynota, Marija..., Gūds lai ir Tāvam... V. Marija, bez īdzymto grāka ījimta, R. Lyudzīs par mums, kas pi tevis steidza-mēs.

UTRAIS NUSLĀPUMS Apmeklēšona (Lk 1) Vysusvātoko Jaunova Marija pēc engeļa slu-dynojuma apmeklej sv. Elizabeti, sv. Jona Kristeitoja moti, lai jai paleidzātu. Šei apraudzeišona palīk par žēlesteibas olūtu sv. Jonam un jo motei. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

TREŠAIS NUSLĀPUMS Kunga Jezus dzimšona (Lk 2) Kungs Jezus pīdzymst Betlemē, kaidā staleitī. Lai gon Jezus ir bezgaleigi bogots, tūmār Jys dzymst vyslelokā nabadzeibā myusu dēļ. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

CATURTAIS NUSLĀPUMS Upurēšona (Lk 2) Četrudasmytā dīnā pēc pīdzimšonas Jezups un Marija nas Bārnu Jezu uz Jeruzalmi, lai Dīva svētneicā Jū veļteitu dabasu Tāvam. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

PĪKTAIS NUSLĀPUMS Jezus jam daleibu dabasu Tāva lītos (Lk 2) Kungs Jezus, divpadsmit godu Bārns, īt uz svētneicu un palīk pi Rokstu moceitojim. Pēc treju dīnu meklēšonas te Jū atrūn sv. Jezups un Vysusv. Jaunova Marija. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

ŪTRO DAĻA - GAISMAS

PYRMAIS NUSLĀPUMS Jezus kristeiba Jordānā (Mt 3) Pēc kristeibas Jezus tyulen izkope nu yudina, un lyuk, debess atsavēre, un Jys redzēja Dīva Goru nūsalaižam uz sevi. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

UTRAIS NUSLĀPUMS Jezus atsaklošona Kozos Kanā (J 2) Kungs Jezus porvērte yudini veinā. Šū soku-mu breinumim Jezus dareja Galilejas Kanā, atklodams sovu gūdeibu, un Jo mocekli ticēja Jam. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

TREŠAIS NUSLĀPUMS Dīva vaļsteibas sludynošona un aicynojums atsagrīzt (Mk 2) Jezus saceja: «Laiks pīsapiļdējs, un Dīva Vaļsteiba tyvu klot! Gondarejit par grākim un ticit Evangelijam!». Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

CATURTAIS NUSLĀPUMS Porsameišona Tabora kolnā (Lk 9) Jezus kūpā ar Pīteri, Jākubu un Joni uzkope kolnā lyugt Dīvu. Un Jo sejas izskots kliva cytaidoks, un apgērbs topa bolts un storoja. Mozus un Elija pasarodēja gūdeibā; un tī runo-ja par Jo gola nūrisi, kū Jis pīpiļdeis Jeruzalemē. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

PĪKTAIS NUSLĀPUMS Euharistijas īdybynošona (Mk 14) Un Jezus, jim ādūt, pajēme maizi, svēteja tū, lauze, deve jim un saceja: «Jemit, šei ir Muna Mīsa.» Un Jys jēme bikeri, pasateice un deve jim; un tī dzēre nu to. Un Jys tim saceja: «Šys ir muns jaunos dereibas Asnis, kas par daudzim tiks izlīts.» Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

TREŠO DAĻA - SOPEIGO

PYRMAIS NUSLĀPUMS Kungs Jezus ašna svīdrūs (Lk 22) Pēc Pādejom Vakarenom Kungs Jezus īt uz Olivu dorzu. Skumu un noves baiļu porjimts, Jys korsti lyudzās, saceidams: «Tāvs, na muna, bet Tova lai nūteik vaļa», un svīdri kai ašna lases kreit nu Jo dīviško vaiga. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

UTRAIS NUSLĀPUMS Šausteišona (Mt 27) Pilats nūtīsoj Kungu Jezu uz šausteišonu. Bezdīveigī bendes syt Jū bez žēlesteibas un dreiži Vysusvātoko Kunga Jezus Mīsa ir vīnūs cēr-tumūs. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

TREŠAIS NUSLĀPUMS Apkrūnošona ar ērškim (Jņ 19) Tyulen pēc nažēleigos šausteišonas karaveiri līk Kungam uz golvas ēršku krūni un tai smogi īvainoj Vysusvātokū Golvu. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

CATURTAIS NUSLĀPUMS Krysta nesšona (Jņ 19) Kungs Jezus, nūtīsots uz novi, nas uz Golgotas kolnu smogu krystu, uz kura Jam byus jomērst. Zam šo krysta nostas Kungs Jezus trejskort pakreit. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

PĪKTAIS NUSLĀPUMS Pīkaļšona pi krysta (Jņ 19) Pēc lelom mūkom un pazamojumim Kungs Jezus teik krystā pīkolts un mērst, upurādams sovus nūpalnus un Asni par pasauļa atpesteišonu. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

CATURTO DAĻA - SLAVEIGO

PYRMAIS NUSLĀPUMS Augšanceļšonos (Mk 16) Trešā dīnā pēc noves Kungs Jezus ceļās augšā nu kopa un pasaroda Vysusvātokajai Jaunovai Marijai un sovim moceklim. Tāvs myusu..., 10 Esi sveicynota, Marija..., Gūds lai ir Tāvam... Marija, bez īdzymto grāka ījimta,...

UTRAIS NUSLĀPUMS Debesskopšona (Lk 24) Četrudasmytā dīnā pēc sovas augšanceļšonos Kungs Jezus, atsasveicynojis ar sovu Moti un moceklim, uzkop debesīs un sēd pa lobai Dīva Tāva rūkai. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

TREŠAIS NUSLĀPUMS Sv. Gora atnokšona (Ap. d. 2) Vosorsvātku dīnā Sv. Gors guns mēļu veidāradzami nūsalaiž nu dabasim uz Vysusv. Jaunovu Mariju un apostolim, kuri, lyugdami Dīvu, gaideja Jo atnokšonas. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

CATURTAIS NUSLĀPUMS Vysusv. Jaunovas Marijas uzjimšona debesīs Pēc Kunga Jezus uzkopšonas debesīs Vysusv. Jaunova naporstoj ilgotīs pēc sova Dāla. Pēc noves jei ar mīsu un dvēseli teik uzjimta debesīs. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

PĪKTAIS NUSLĀPUMS Vysusv. Jaunovas Marijas krūnošona Vysusv. Jaunova Marija debesīs teik krūnota ar myužeigos slavas krūni, kai dabasu un zemes Kēnenīne. Tāvs myusu... , 10 Esi sveicynota, Marija... , Gūds lai ir Tāvam... Marija, bez īdzymto grāka ījimta,...

Es tycu uz Dīvu, vysuvarenū Tāvu, dabasu un zemes Radeitoju; un uz Jezu Kristu, Jo vīneigū Dālu, myusu Kungu, kas ir ījimts nu Svāto Gora, pīdzimis no Jaunovas Marijas, cītis zam Poncija Pilata, krystā pīkolts, nūmiris un apglobots, nūkopis eļnē, trešajā dīnā augšancēlīs, uzkopis debesīs, sēd pi Dīva, vysu-vareno Tāva, lobos rūkas, no kurīnes Jys atnoks tīsotu dzeivūs un myrušūs. Es tycu uz Svātū Goru, svātū katoliskū Bazneicu, Svātūs sadraudzeibu, grāku atlaisšonu, mīsas augšanceļšonūs un myužeigū dzeivošonu. Amen.